Y Cyngor yn ceisio barn ar bolisi rhent canolradd

Mae Cyngor Bwrdeistref Sirol Caerffili yn gwahodd trigolion i rannu eu barn ar bolisi rhent canolradd arfaethedig, wedi’i gynllunio i helpu mynd i’r afael ag anghenion tai lleol.

Mae rhent preifat yn codi ac mae data tai lleol yn dangos angen cryf am dai mwy fforddiadwy i’w rhentu ledled y Fwrdeistref Sirol. Byddai’r polisi arfaethedig yn cynorthwyo pobl nad ydyn nhw’n gallu fforddio prynu cartref ond sy’n gallu fforddio mwy na rhent cymdeithasol.

Gallwch chi rannu’ch barn drwy lenwi arolwg byr ar-lein sydd ar gael yma.

I gael copi caled o’r arolwg, neu gymorth i’w lenwi, e-bostiwch StrategaethADatblygu@caerffili.gov.uk neu ffonio 01443 863 121.

Bydd yr arolwg yn dod i ben ar 18 Chwefror.